skip to main
|
skip to sidebar
My Dream
Thursday, July 21, 2016
দুলাল
দুলাল
ৰাতিপুৱাই গাওঁখনত হুৱাদুৱা লাগিল ৰমেনে খবৰটো দিয়াৰ লগে লগে।বনজুইৰদৰে চাৰিওফালে বাতৰিটো বিয়পি পৰিল। নেলাগিবনো কিয়-এনে সুযোগ দুনাই আহে নেকি?সুবিধা পাওঁতেই যদি সুবিধা ল'ব পৰা নেযায়,তেনেহ'লে আজিৰ দিনত সি লায়েকৰ মানুহ নহয়। পদুমীয়েও যাম বুলি ভাবিছিল,পিছে দিনে দিনে চকুহালে বেছিকৈ নেদেখা হৈ অহাত গিৰীয়েককে পাচিলে-"বোলো শুনিছেনে,মিটিংখনলৈ যাওঁক,সুতা,কম্বল আদি দিছে। ঠান্ডাটো পালেহিয়েই,কম্বল নিকিনাকৈয়ে হ'ব যদি ভাল কম্বল হয়,নহ'লে বিক্ৰী দি দুটকা পোৱাই যাব।সুতাখিনিৰে বোৱাৰীজনীয়ে আপোনাৰ আৰু ল'ৰাটোৰ বাবে তিয়নী সাজকে ব'ব পাৰিব।" পদুমীয়ে ঠিকেই কৈছে মনতে ভাবিলে দুলালে। হওঁতে তাই মিছা কোৱা নাই।
যোৱাবাৰো ইলেকচনৰ আগে আগে সুতা,কম্বল,আঠুৱা বিতাইছিল। তেওঁ গৈ এটা ভাগ আনিছিল। আঠুৱাকেইটা পাছত গৰুকেইটাক ম'হে কামোৰাৰপৰা ৰক্ষা কৰাত ব্যৱহাৰ কৰা হ'ল। সূতাৰে বোৱাৰীয়ে তেওঁ আৰু পুত্ৰৰ বাবে তিয়নী বৈ দিলে। কম্বলকেইখনো বৰ এটা বেয়া নাছিল।ঠান্ডা অহাত নিজে ব্যৱহাৰ কৰিলে। ৱাড মেম্বাৰগৰাকী নিজৰ গাওঁৰে হোৱাত বিপিএল কাডটোও উলিয়াই ল'লে।নিজৰ ঘৰৰ মাটিকেইডৰাৰ ধানে বছৰটো জোৰেই। তিনিটকীয়া চাউল কেইকেজি সোনাৰামৰ দোকানতে বিক্ৰী থৈ পইচাকেইটাৰে আন বস্তু কিনি লৈ আহে। তেওঁৰদৰে আন কেইবাজনেও এই কামটো কৰি আছে।লাজ কৰিবলগীয়া আৰু কিটো থাকিল। ইতিমধ্যে বয়স নহ'লেও ৱাড মেম্বাৰৰ লগ লাগি বৃদ্ধ পেন্ছনটোওঁ তেওঁ উলিয়াই লৈছে। তাৰবাবে অৱশ্যে তেওঁ দুটকামান খৰচ কৰিবলগীয়া হ'ল। চৰকাৰে তেওঁলোকক সুবিধা দিছে,লৈছে। তেওঁ নল'লে আনে ল'ব?গতিকে আনকনো কিয় সেই সুবিধা ল'বলৈ দিয়ে?
চাইকেলখন লৈ তেওঁ মিটিংলৈ বুলি ওলাই গ'ল। নাতি দুটাও যাব ওলাইছিল,পিছে মানুহৰ ভিৰ হ'ব দেখি নিনিলে।বাটত তেওঁ বহু চিনাকী পালে। সৱৰে উদ্দেশ্য একেই। মহিলাৰ সংখ্যা বহু বেছি।আন নহ'লেও সুতা অলপমান পালেও হ'ল। অন্তঃত মেখেলা-চাডৰ দুযোৰমান বৈ বিক্ৰী দুটকামান ঘটিব পাৰিব। মাইকী মানুহবোৰৰ উচ্চসিত হাঁহিত আকাশ-বতাহ মুখৰিত হ'ল। এখন বহু ডাঙৰ ৰভা দিছে। পুলিচ,দলটোৰ কমীয়ে চাৰিওফালে বিৰ দি বাট নোপোৱা অৱস্হা। শাৰী শাৰীকৈ বাহঁ বান্ধি দিছে যাতে মানুহবোৰৰ কোনো সমস্যা নহয়। বহু ওপৰৰ মন্ত্ৰী,মুৰব্বী আহিব। কোন আহে তাৰ লগত কিজানি বহু মানুহৰে মতলব নাই। ইফালে মুৰৰ ওপৰত তমোময় ৰ'দ। নিদিষ্ট সময়তকৈ পলমকৈ মিটিং আৰম্ভ হ'ল। ৰ'দটোৱে খাওঁ খাওঁ মূত্তি ধৰি আহিছে। মানুহবোৰৰ অৱস্হা নোহোৱা হৈছে ৰ'দত। দুলালে এপাকত যাওঁগৈয়ে বুলি ভাবিছিল। পিছে সুদা হাতে গ'লে পদুমীজনীয়ে শান্তিৰে ভাতসাজ যে খাবলৈ দিব আশা নাই। সেইবাবে অলপ ৰৈ কিবা এটা লৈ যোৱাই ভাল হ'ব বুলি ঠিক কৰিলে। ইফালে মন্চত মন্ত্ৰীৰ দুদান্ত ভাষণ চলি আছে-"ৰাইজ,আপোনালোকৰ বহুমুলীয়া ভোটটো এইবাৰো যেন আমাকেই দিয়ে।যোৱাবাৰ দিয়াৰদৰে,এইবাৰ দিয়াৰদৰে অনাগত দিনতো আমি আপোনালোকক সূতা,কম্বল,আঠুৱা,ঘৰ আদি দিম।ৰাস্তা-ঘাট গাৱেঁ গাৱেঁ পকি কৰি দিব।বিদ্যুত সংযোগ কৰি দিব সকলোৰে ঘৰে ঘৰে যিসকলে চৰকাৰীভাৱে ল'বলৈ সমথবান নহয়।........
মন্ত্ৰীৰ ভাষণৰ প্ৰতি কাৰো মন নাই।ভোট কাক দিব সেইয়া সময়ত দেখা যাব। এটা সময়ত সূতা,কম্বল,আঠুৱা আদি দিয়াৰ পব আৰম্ভ হ'ল। মানুহবোৰে হেতাঁ-ওপৰা কৰিব ধৰিলে। খৰখেদাকৈ সুতা,কম্বল,আঠুৱা আদি লৈ সোনকালে ঘৰলৈ যাবলৈ বুলি দুলালো সেই ভিৰৰ মাজত জপিয়াই পৰিল।ইতিমধ্যে আবেলি হ'লেই।ইফালে পিয়াহত তেওঁৰ অন্ঠ-কন্ঠ শুকাই গৈছে।হঠাতে পাচফালৰপৰা দিয়া ধাক্কাত দুলাল তিষ্ঠিব নোৱাৰি হামাখুৰি খাই বাগৰি পৰিল। লগে লগে দুলালৰ ওপৰত আৰু বহু মানুহ বাগৰি পৰিল। মানুহ পৰিল বুলি হুৱা-দুৱা লাগিল।তাকে দেখি সুতা,কম্বল,আঠুৱা আদি বিতৰণ আদি বন্ধ কৰি দিয়া হ'ল। যিয়ে যি পাৰিলে তাৰ মাজতো থপিয়াই নিলে।এম্বুলেন্চ আহিল,নাচ,ডক্তৰ আহিল। সংকটজনক অৱস্হাত কেইবাজনকো কাষৰে চিকিৎসালয়ত ভত্তি কৰা হ'ল।
পাছত নিউজ লাইভৰ বাতৰিত গধুলিৰ বাতৰিত খবৰ ওলাল-"আজি আমুক ৰাজনৈতিক দলে বিতৰণ কৰা সুতা,কম্বল,আঠুৱা আদিৰ মিটিংত জনসাধাৰনৰ অদ্ভূতপূব সহাঁৰি পোৱা যায় । হাজাৰ হাজাৰ মানুহৰ উপস্হিতিত সুতা,কম্বল,আঠুৱা আদি ল'বলৈ যাওঁতে ভিৰৰ মাজত পিচলি পৰি কেইবাজনো লোকৰ সংকটজনক অৱস্হাত চিকিৎসালয়ত ভতি কৰিবলগীয়া হয়।ইতিমধ্যে তাৰে দুজন লোকৰ মৃত্যু হৈছে।তেওঁলোক ক্ৰমে চিনাতলী গাওঁৰ দুলাল গগৈ আৰু.....
No comments:
Post a Comment
Newer Post
Older Post
Home
Subscribe to:
Post Comments (Atom)
Followers
Blog Archive
▼
2016
(43)
▼
July
(43)
-------তেজৰ ৰঙ মাত্ৰ ৰঙা -------------
-----------------------এটা সপোন ------------------...
দুলাল
"মৃদু" (গল্প)
সেই চকুযোৰে তাইক আজিও খেদি ফুৰে
জন-প্ৰতিনিধিৰ মন
পাৰ কৰা ৰঘুনাথ ১)
আমাৰ ধৈৰ্য্যগুণ কমিছে নেকি?
লংকালৈ যিয়েই যায়, সিয়েই বোলে ৰাৱণ হয়। কেন্দ্রত ...
এজাক বৰষুণ-
.................................দীপাৱলী শেষ হ'ল.....
"উত্তৰ"
--------------------------আশা---------------------...
-----------------------------------------------শীত...
আমি অলপ সচেতন হ'ব নোৱাৰোনে?
----------------------------------------টোপ-------...
আন্দোলন, প্ৰতিবাদ , অনশণ , ধৰ্ণা, বিদ্ৰোহ, বিপ্লৱ,...
------------চলতি কা নাম গাড়ী--------------
বিয়া পাতি ফঁচি গ’লো৷
“তোমাৰ অবিহনে”
আমি ভোটাৰ ৰাইজ কিমান সচেতন ?(চিন্তনীয় )
আপুনি ভোটতো কাক দিব?
ৰৈ ৰৈ কেতেকী বিনাঅ’ কিয়?
“তোমাক হেৰুৱাৰ ভয়"
বিক্ষিপ্ত মন
‘হেলিকপ্টাৰখন এইবাৰ নাহিব নেকি?“
"ভাগিন লাচিত হেৰাল ক’ত?" (লাচিতৰ মোমাইয়েকৰ মনৰ কথা)
-----------------কইনাৰ সাজ পিন্ধিব ৰুপালীমে-------...
কইনাৰ সাজ পিন্ধিব ৰুপালীমে-(দ্বিতীয় ভাগ)
আইৰ সমান কোন হ'ব?
---------------------ৰিজাল্ট----------------------...
কইনাৰ সাজ পিন্ধিলে ৰুপালীমে-
প্ৰেম নে ঘৃণা?
প্ৰেম নে ঘৃণা? (প্ৰেমত যেতিয়া বিশ্বাসঘাতকটাই স্হান...
প্ৰেম নে ঘৃণা? (পুৰুষ কিছুমানে নাৰীৰ অনুভূতিক লৈ ক...
প্ৰেম নে ঘৃণা?
(কিয় সি অলপ সাহিয়াল নহ’ল?)
প্ৰেম নে ঘৃণা? (মৌৱে তাক গ্ৰহণ কৰিবনে?)
-------------তুমি হাহিঁলে মুকুতা সৰে----------------
দিল্লীলৈ বহু দুৰ!
প্ৰতিশোধ কিয় জাগে মানুহৰ?(চিন্তনীয়)
কবি, অকবি আৰু ৰুপালীমৰ অনুভৱ-
---ৰহাৰ সাম্প্ৰতিক পৰিস্হিতি আৰু আমাৰ কৰণীয়---
About Me
aditi
View my complete profile
No comments:
Post a Comment